2026-06-12 晴天
沒有晚安的晚上，直至沒有早晨的早上，
時間過得好慢，
平時光陰似箭，
依家過15分鐘感覺就過左1個鐘咁......
今朝我最後都係忍唔住打俾佢，
其實我明知佢咁硬頸，
直接搵佢係唔會有好結果，
咪又係自己擺黎衰，
佢話我唔需打俾佢，
我即刻當場又爆喊出黎，
時間真係過得好慢....
過左15分鐘先感覺就真係好似喊左1個鐘.
理智叫我唔好咁傷心，
要好好堅持對佢好，慢慢感動番佢，
但係感性已經蓋過左，我呢一刻真係只得傷心同埋傷心。
我知道係要時間，
但問題係佢咁硬頸，
點樣可以軟化佢，
我又唔可以死纏爛打。。
點樣先可以令佢感受到我嘅愛？
喊過唔知幾多次，
望住個鐘慢慢慢慢流,
終於捱到放工時間.....
肌肉是有記憶的，
落咗西鐵混混噩噩，
對腳自然地帶我回「家」。。。
原來結果當然是跟預期的一樣，
被拒絕了。
不過有回覆， 總比已讀不回好了，
所以這一個幾鐘感覺也不太慢長了。
然後見到他的大囡，
好想將禮物拜託佢拎上去。
但見佢應該唔係返屋企, 似係去拉咖啡，
所以算了，免得有咩意外
捱到23:45
我準備充足, 帶齊生日咭同禮物,
出發去諗住第一時間俾生日禮品佢,
到了0:00,
我將我整左1個禮拜的片段 SEND 俾佢，
加埋生日祝福，
準時0:00 發出，
可惜， 沒有讀。。
等了１分鐘。。。２分鐘。。。３分鐘。，，
我忍唔住打電話俾佢，
又是沒有接。。。
最後我忍唔住問佢個女，
佢話媽咪瞓左，
咁我心都安樂少少，
唯有將禮物掛在佢鐵閘，叫佢囡囡放在佢床頭啦。
突然心酸少了一點，
不過明天的挑戰才是重點。。。。。。。